Shortbread

• 100g menyn
• 50g siwgr
• 150g blawd
• Siocled tywyll

Llenwad mefus

• 200g mefus

Malws Lemon

• 6 dail gelatine
• 75g gwyn wy
• 100ml sudd lemon
• 250g siwgr caster
• 40g hylif glwcos

Shortbread

1. Cynheswch y popty i wres o 170 gradd selsiws.
2. Cymysgwch y menyn a'r siwgr gyda'u gilydd ar gyflymder isel mewn cymysgwr.
3. Hidlwch y blawd yn raddol i'r gymysgedd. Yna, defnyddiwch wres eich dwylo i ddod a'r gymysgedd gyda'i gilydd.
4. Rholiwch y toes rhwng ddau damaid o bapur gwrth-saim, priciwch gyda fforc a'i bobi am 10 munud.
5. Unwaith i'r shortbread bobi, torrwch yn gylchoedd tra'n gynnes a'u gadel i oeri ar rac weiren.
6. Unwaith i'r shortbread oeri, brwsiwch un ochr gyda Siocled tywyll.

Gorchuddio'r mowld mewn Siocled

1. Cynheswch Siocled Tywyll
2. Arllwyswch yn y mowld gan ei orchuddio yn gyfan gwbl cyn arllwys unrhyw weddillion allan.
3. Gadewch i setio.

Llenwad Mefus

1. Golchwch a thynnwch y coesau oddi ar y mefus.
2. Torrwch hanner y mefus yn fras a blendiwch yr hanner arall.
3. Cyfunwch y ddau.

Malws melys Lemon

1. Rhowch ddail gelatin mewn powlen o ddŵr gyda rhew ynddo. Unwaith iddyn nhw agor allan, gwasgwch y dŵr sy'n weddill ohonyn nhw.
2. Rhowch y gwyn wy mewn cymysgwr. Mewn sosban, ychwanegwch y sudd lemon, siwgr caster a'r hylif glwcos a dewch a nhw i'r berw. Parhewch i'w berwi nes bod y gymysgedd wedi cyrraedd 116 gradd selsiws ar y thermometr.
3. Chwipiwch y gwyn wy ar gyflymder uchel gan arllwys y surop yn araf lawr ochr y bowlen.
4. Unwaith i chi ychwanegu'r surop i gyd, stopiwch y cymysgwr tra'n ychwanegu'r gelatin. Trowch y cymysgwr yn ôl ar gyflymder isel nes bod y gelatin wedi hydoddi yn gyfan gwbl. Trowch y cymysgwr ar gyflymder uchel.
5. Chwipiwch nes bod y malws melys yn stiff. Yna, rhowch y gymysgedd mewn bag peipio.

Gosod

1. Rhowch ddisg o'r fisged wedi ei orchuddio gyda Siocled yn y mowld.
2. Peipiwch y malws melys lemon o amgylch y tu mewn gan adael twll yn y canol.
3. Rhowch lwyaid o'r llenwad mefus yn y canol.
4. Rhowch fisged arall ar y top.
5. Gadewch yn yr oergell am ychydig o oriau.

Gorffen

1. Tynnwch yr olwyn o'r mowld.
2. Rhowch ddisg acetate ar ddarn yr alloy.
3. Chwistrellwch y teier gyda menyn cocoa du ar gyfer gwead.
4. Tynnwch yr acetate a brwsiwch yr alloy gyda powdwr arian.
5. Rhowch yr olwyn ar ben y bonet.