Elfennau:

• Crwst choux
• Hufen chantilly

Offer:

• 'Nozzles'
• Bagiau peipio
• Padell maint canolig
• Llwy bren / sbatwla sy'n gwrthsefyll gwres
• Hidl
• Peiriant cymysgu
• Wisg

Cynhwysion ar gyfer choux:

• 125g llaeth
• 125g dwr
• 125g menyn
• 10g siwgr
• 5g halen
• 150g blawd plaen
• 5 ŵy

Cynhwysion ar gyfer hufen Chantilly:

• 250ml hufen dwbl
• 20g siwgr eisin
• 1 llwy de o bast fanila

Cynhwysion ar gyfer addurno (os hoffech chi ddefnyddio)

• Ffrwythau e.e. mefus / mafon / mwyar duon
• 'Gold leaf'

Dull:

1. Cynhesu'r popty i 180°C.
2. I wneud y choux, dod a llaeth, dŵr, menyn, siwgr a halen i'r berw.
3. Tynnu o'r gwres a chymysgu'r blawd wedi'i hidlo i mewn.
4. Unwaith y bydd y blawd wedi'i ymgorffori'n llawn, rhoi'r badell nôl ar y gwres a'i droi am tua dwy i dri munud ar wres canolig.
5. Trosglwyddo'r cymysgedd i'r peiriant cymysgu a throi i gyflymder canolig-uchel. Ychwanegu un ŵy ar y tro gan sicrhau bod pob ŵy wedi'i ymgorffori'n llawn cyn ychwanegu'r un nesaf.
6. Trosglwyddo'r cymysgedd i fag peipio wedi'i ffitio â 'nozzle' siap seren.
7. Pepio'r crwst choux ar ffurf cyrff a gyddfau alarch. 'Dustio' gyda siwgr eisin.
8. Pobi cyrff yr alarch yn y popty am 20 munud, a gyddfau'r alarch am 10 munud.
9. Chwipio'r hufen gyda siwgr eisin wedi'i hidlo a phast fanila nes ei fod yn bigau'n stiff, ond nid yn llwydaidd.
10. Gadael i'r choux oeri am 5 munud cyn adeiladu'r elyrch gyda hufen a ffrwythau.