Elfennau:

• Tarten
• Llenwad
• Mŵs mascarpone

Offer:

• Bagiau peipio
• Nozzles
• Chwistrell bwyd metelaidd
• Deilen aur

Cynhwysion ar gyfer y crwst:

• 225g blawd cryf
• 150g menyn
• 3g halen
• 75g siwgr caster
• 1 Ŵy
• 1 melynwy
• Croen 1 lemwn

Cynhwysion ar gyfer y frangipane:

• 100g menyn
• 100g siwgr caster
• 100g almonau mâl
• 2 ŵy
• Pinsiad o halen
• Amaretto

Cynhwysion ar gyfer y llenwad:

• 100g mafon
• 100g siocled gwyn
• 100g menyn coco

Dull ar gyfer y crwst:

1. Rhidyllwch y blawd, siwgr a halen i mewn i fowlen cymysgu. Rhowch y menyn oer a'r croen lemwn mewn i'r fowlen a chymysgwch ar gyflymder canolig nes bod y crwst yn debyg i friwsion bara.
2. Ychwanegwch yr ŵy a'r melynwy a'u cymysgu nes eu bod wedi eu cyfuno. Peidiwch a gor gymysgu.
3. Rhowch y toes mewn cling film a'i adael i oeri am o leiaf awr.
4. Tynnwch o'r oergell a gweithio'r toes gyda'ch dwylo nes yn esmwyth. Rholiwch allan a leiniwch y cas crwst.
5. Pobwch gyda ffa pobi yn gyntaf ar dymheredd o 175 gradd selsiws am 20 munud. Tynnwch y ffa a'i bobi am ddeg munud arall.

Dull ar gyfer y frangipane:

1. Cynheswch y popty i wres o 160 gradd selsiws.
2. Cymysgwch y menyn meddal a'r siwgr mewn cymysgwr ar gyflymder canolig i uchel cyn ychwanegu'r ŵy.
3. Ychwanegwch yr almonau mâl a'r halen.
4. Rhowch y gymysgedd mewn hambwrdd pobi bas wedi'i leinio â phapur gwrth saim a'i bobi am 30 i 40 munud.
5. Gadewch i oeri cyn ei dorri yn gylchoedd.
6. Brwsiwch gyda swm da o amaretto.

Dull ar gyfer y llenwad:

1. Cymysgwch y mafon a'u rhewi mewn mowld.
2. Meddalwch y siocled gwyn a'r menyn coco gyda'i gilydd, yna trochwch y mafon sydd wedi'u rhewi.
3. Gwnewch yn siŵr eu bod nhw wedi'u gorchuddio'n llawn. Gadewch i ddadmer.

I orffen:

1. Chwipiwch y mascarpone a'i beipio yn betalau ar dop y darten.
2. Chwistrellwch gyda'r chwistrell bwyd metelaidd a'i orffen gyda deilen aur.