Croeso i Ap Byd Cyw, Ap llawn hwyl i blant.

Mae Ap Byd Cyw yn gyfle i arwain eich plentyn trwy fyd llawn hwyl a lliw wrth gyd chwarae a darganfod gyda'ch gilydd.

Mae'r Ap yn cynnwys gemau, cerddoriaeth a chymeriadau byd Cyw i gadw cwmni i'ch plentyn a'u tywys ar antur. Gwrandwch hefyd ar stori fin nos o fewn yr Ap, bydd straeon newydd yn cael eu hychwanegu yn dymhorol.

Mae'r Ap yn lle diogel ac yn gorlan i'ch plant grwydro a darganfod. Bydd unrhyw luniau a data yn aros yn yr Ap. Nid oes modd cael mynediad i'r we o ardaloedd chwarae'r Ap.

Proffil

Rhaid creu proffil er mwyn defnyddio'r Ap, (i fyny at 4 proffil i gyd) Bydd pob proffil yn unigryw i'r plentyn ac yn cofio gêm eich plentyn a'r hyn sydd wedi ei gyflawni. Tynnwch lun ac enwch y proffil.

Tapiwch yr eicon gosodiadau i newid y defnyddiwr, newid lefel sain a mynd i'r adran oedolion

I weld gwybodaeth i oedolion yn yr Ap, tapiwch yr eicon gosodiadau, ac yna eicon oedolion. Bydd angen i chi deipio'r rhif, mae hyn yn golygu mai dim ond oedolion sydd â mynediad i'r adran hon.

Mae'r Adran oedolion yn llawn gwybodaeth ac ystadegau am ddefnydd eich plentyn o'r Ap

Gardd Cyw

Dyma'r adran gyntaf i chi weld wrth agor yr Ap. Mae Cyw yn gofalu am yr ardd ac angen help eich plentyn i hau hadau, dyfrio a gofalu am y planhigion.

Gall eich plentyn ennill rhagor o hadau wrth chwarae gemau a chrwydro'r Ap.

Gêm y Fferm: Helpwch Cyw i dorri'r gwair cyn iddi nosi drwy arwain y tractor o gwmpas y cae. Gyrrwch y tractor trwy gyffwrdd, symud a throi'r ddyfais.

Picnic Bolgi

Hoff beth Bolgi yw bwyta, ac mae ei flanced bicnic yn barod am wledd! Gallwch ddewis cerddoriaeth wrth iddo fwynhau'r heulwen, a helpu Bolgi i fwyta'r bwyd! Llusgwch yr eiconau cerddoriaeth i'r radio er mwyn clywed y caneuon

Llew

Dyma adran Llew, mae wrth ei fodd â'i fwng! Gallwch arddangos blodau o ardd Cyw yma drwy eu llusgo i'r pot.

Jangl

Mae Jangl yn dwlu ar ei sied, gallwch ennill patrymau a dodrefn newydd iddi wrth chwarae'r ap. Beth am roi cynnig ar ei char rasio neu neidio ar ei cherrig cyfri?

Mae'r modd nos yn troi radio Bolgi yn lyfrgell o straeon unigryw i'r ap, ac yn rhoi awyrgylch tawel ac ymlaciol i'r plentyn wrth baratoi ar gyfer cysgu. Tapiwch a dal y symbol dydd/nos i alluogi'r modd hwn.