Cynhwysion:

• 2 gwpan o flawd plaen
• Pinsiad o halen
• Ychydig o ddŵr
• Shibwns (Neu sbring onions i chi'r Cofis!)
• Tsili flêcs
• Tsili ffres
• Powdr tsili
• Garlleg x 2 ewin
• Saws pysgod
• Finegr reis brown
• Saws soi
• Olew llysiau

Dull:

1. Rhowch y blawd mewn powlen, ychwanegwch yr halen a'r dŵr a chymysgwch tan mae'n ffurfio toes. Unwaith mae o wedi dod at ei gilydd, rhowch y toes ar y bwrdd a'i dylino am tua 10 munud.
2. Torrwch y toes yn ddarnau maint bys a rhowch nhw ar blat. Rhowch ychydig o olew arnynt, a gorchuddiwch efo clig film cyn gadael iddynt brofi am awr ar dymheredd ystafell.
3. Rhowch un darn o does ar fwrdd a defnyddiwch rholbren i'w rolio'n fflat, cyn pwyso chopstick lawr canol y darn i greu gwythien.
4. Rwan am Biang Biang! Gafaelwch ar ddau ben y toes (defnyddwch ddwy law) a'i 'slapio' ar y bwrdd i'w ymestyn - bydd angen gwneud hyn rhyw 5 gwaith i ffurfio'r nwdls.
5. Rhwygwch ar hyd y wythien 'da chi wedi greu efo'r chopstick i greu un nwdl hir. Gwnewch hyn gyda'r darnau toes eraill.
6. Coginiwch y nwdls mewn dwr berwedig. Unwaith mae nhw'n dod i'r wyneb mae nhw'n barod. Rhowch y nwdls sydd wedi coginio mewn powlen.
7. Cynheswch ychydig o olew yn ofalus mewn sosban fach.
8. Torrwch y tsili ffresh, y shibwns a'r garlleg yn fân a rhowch nhw ar ben y nwdls sy'n bowlen. Yna, 'mlaen efo pinsiad da o bowdr tsili, y flêcs tsili, joch o saws pysgod, y finegr a'r saws soy.
9. Yn ofalus iawn, rhowch chydig o'r olew poeth ar ben y nwdls yn y bolwen a chymysgu'n dda gyda chopsticks. Mwynhewch!