• 1 sgwas tua 1.5kg
• 2 x jariau 285g pupur wedi rhostio
• 1 winwnsyn
• 180g castanau
• 200g madarch castan (chestnut mushroom)
• teim ffres
• 200g dail sbigoglys
• sesnin
• olew olewydd

Ar gyfer y pesto:

• 2 llwy fwrdd o persli
• 1 ewin garlleg
• 1 tsili coch
• 100g pecanau

1. Cynheswch y ffwrn i 170°c / Nwy 5.
2. Torrwch y sgwas yn hanner yn fertigol a thynnwch yr hadau allan.
3. Gosodwch bapur pobi mewn tin pobi fawr. Gosodwch y sgwas gyda'r hanner wedi torri o dan. Coginiwch am 50 munud neu nes mae'n dyner.
4. Gadwch i oeri am 15 munud yna crafwch allan ychydig o'r canol, gan adael ffin tua 3cm o amgylch yr ochr. Cadwch y darnau sgwash o'r canol i un ochr.
5. Ffriwch y winwnsyn a madarch mewn olew.
6. Ychwanegwch y castanau wedi malî yn ogystal â'r teim. Ychwanegwch y sgwash wedi stwnshio. Gwywch y sbigoglys am rhai munudau a draeniwch mewn hidlwr.
7. Leiniwch y sgwash efo pupur, yna'r cymysg madarch a sgwash. Gwasgwch lawr. Yna gosodwch haen o sbigoglys. Wnewch yr un peth gyda'r hanner arall. Unwch y ddau ddarn gyda chordyn o'r gegin.
8. Dychwelwch i'r din pobi.
9. Pobwch am 20 munud efo gweddill y teim ac ychydig o'r olew pupur.
10. Wnewch y pesto trwy blitsio y tsili, garlleg, pecanau a phersli at ei gilydd.
11. Ychwanegwch weddill yr olew pupur a halen a phupur.
12. Torrwch y sgwash mewn i ddarnau a serfio gyda'r pesto a llysiau neu salad.

Rysáit gan Catrin Thomas, wedi ymddangos yn wreiddiol fel rhan o raglen Prynhawn Da.