Ar gyfer y bisgedi:

• 200g menyn meddal
• 150g siwgr eisin (wedi ei hidlo)
• 1 ŵy
• 360g blawd (wedi ei hidlo)
• 30g powdr cocoa (wedi ei hidlo)
• croen oren
• pinsiad o Halen Môn

Ar gyfer y ganache:

• 250g siocled tywyll
• 180g hufen chwipio
• 70ml port
• 30g menyn

1. Cychwynnwch trwy gymysgu'r menyn a'r siwgr eisin gyda'i gilydd mewn cymysgwr nes yn olau a'n ysgafn. Ychwanegwch un wy a'i guro yn dda.
2. Yn araf, ychwanegwch y blawd a'r powdwr cocoa a'i guro'n araf.
3. Ychwanegwch y croen oren a phinsiad o halen mor. Curwch nes bod y gymysgedd yn ffurfio pelen.
4. Tra bod y toes yn feddal, rholiwch rhwng dau damaid o bapur pobi neu ddalen pobi silicon a'i adael i oeri yn yr oergell neu rhewgell am 30 munud.
5. Ar ôl 30 munud, torrwch gylchoedd o'r toes a chylchoedd llai yn y canol ar gyfer y jam.
6. Dewch â'r hufen i'r berw cyn ei arllwys ar ben y siocled. Cyfunwch yn dda gyda blender llaw cyn ychwanegu'r menyn.
7. Gwnewch yn siŵr bod yr holl gynhwysion wedi'u cymysgu yn dda cyn ychwanegu'r port.
8. Gadewch y gymysgedd i oeri cyn ei roi mewn bag peipio.
9. I osod y bisgedi, peipiwch y ganache mewn cylch o amgylch y fisged gan adael lle yn y canol. Rhowch ychydig o'r jam ceirios yn y canol cyn ei orchuddio gyda bisged arall i'w gwblhau!

Rysáit wedi ymddangos yn wreiddiol fel rhan o raglen Anrhegion Melys Richard Holt.

Rysáit gan Richard Holt.