Iaith weledol yw iaith arwyddion (BSL), gyda chystrawen unigryw, a gramadeg a geirfa ei hun. Mae arwyddo ar y sgrîn yn gyfieithiad o ddeialog rhaglen i iaith arwyddo Prydain.
Cyfieithydd sy'n gyfrifol am y gwaith yma, a chaiff delwedd y person hynny ei osod ar y rhaglen.
Paratoir y gwasanaeth ar gyfer gwylwyr byddar sydd ar y cyfan yn byw yng Nghymru, neu sy'n medru derbyn S4C trwy lwyfan Sky y tu allan i Gymru.
Fel gwyliwr, nid oes angen i chi wneud unrhywbeth yn wahanol gan fod yr arwyddo ar gael i'n holl wylwyr.
Mae rhaglenni wedi'u harwyddo fel arfer i'w gweld ar y penwythnos neu amser cinio yn ystod yr wythnos neu fe ellir eu gwylio arlein ar S4C Clic.
Am wybodaeth bellach, cysylltwch â Gwifren Gwylwyr S4C ar 0370 600 4141, neu anfonwch ebost
Mae'n bosib gwylio ein cynnwys gydag iaith arwyddo BSL ar S4C Clic.
Rydym wastad yn ceisio gwella hygyrchedd ein gwasanaethau. Yn dilyn adborth gan y Gymuned Iaith Arwyddion Prydain (BSL) rydym wedi addasu lleoliad dolen BSL ar ein platfform S4C Clic i'w wneud yn fwy amlwg. I gydfynd ag Wythnos Ymwybyddiaeth Byddardod (Mai 10), lansiwyd ein cylchlythyr BSL newydd. Yn y cylchlythyr, mae opsiwn derbyn y wybodaeth trwy fideo Dehonglydd BSL.
Os am dderbyn y cylchlythyr, cliciwch y botwm isod.
