Wyneb cyfarwydd ar lwyfannau'r West End ond un sydd hefyd yn cyfansoddi a pherfformio ei chaneuon ei hun – dyma 'Yr awyr adre' gan Mared Williams ar lwyfan Noson Lawen Sir Conwy.
Dan arweiniad Bethan Smallwood, Côr Merched Aelwyd Llangwm gyda'u trefniant arbennig nhw o 'Dyro wên i mi'.
Y grŵp Lo-Fi Jones o Fetws y Coed sy'n perfformio eu sengl poblogaidd 'Weithiau mae'n anodd' mewn pennod arbennig o'r Noson Lawen o Sir Conwy.
I gwblhau'r arlwy perffaith ar Noson Lawen Sir Conwy, Alys Llywelyn-Hughes a Siôn Lewis, aelodau'r grŵp Cwtsh sy'n ymuno â chriw Lleisiau Llawen i berfformio 'Cymru', gan lenwi'r theatr gyda'i egni heintus.
Y canwr-gyfansoddwr, a llais sioe frecwast Capital Cymru, Alistair James sydd nôl ar lwyfan y Noson Lawen ac wedi dod a'i ffrind, y canwr Dylan Morris hefo fo i berfformio'r gân ddaeth i'r brig yng nghystadleuaeth Cân i Gymru 2023, 'Patagonia'.
Byd yr opera sy'n mynd a bryd y mezzo soprano Erin Rossington, sy'n wreiddiol o Lanfair Talhaearn ger Abergele ond bellach yn byw yn Llundain. Dyma'i pherfformiad o 'Quando m'en vo' ar lwyfan y Noson Lawen.
Alistair James a band y Noson Lawen sy'n deffro'r tŷ gyda pherfformiad egniol o'r gân gyfansoddwyd ganddo 'Gwisgodd Elvis erioed sandals'
Mared Williams a Wyn Pearson gyda'u dehongliad hyfryd o gân Caryl Parry Jones, 'Y nos yng nghaer Arianrhod' ar lwyfan y Noson Lawen.