Mae beirniaid rhyngwladol Côr Cymru 2011 wedi gwahodd Côr Meibion Rhosllannerchrugog i gystadlu yn y rownd gynderfynol.
Byddan nhw’n cystadlu yn yr adran Corau Meibion wedi i gôr Bechgyn Bro Tâf dynnu yn ôl o’r gystadleuaeth.
Bydd y rowndiau cynderfynol yn cael eu cynnal yng Nghanolfan y Celfyddydau Aberystwyth, ar benwythnos 4 i 6 Mawrth, 2011. Bydd uchafbwyntiau'r cystadlu i'w gweld ar S4C ar y penwythnos canlynol, 12 a 13 Mawrth.
Mae tocynnau ar gyfer y pum rownd gynderfynol ar gael yn rhad ac am ddim gan gwmni Rondo, un ai trwy ffonio 029 2022 3456 neu e-bostio corcymru@rondomedia.co.uk.
