Fe fydd y gêm fawr rhwng Brive a Scarlets yn rownd yr wyth olaf yn y Cwpan Amlin yn fyw ar S4C nos Sul, 8 Ebrill (cic gyntaf, 19.15).
Ar benwythnos mawr i glybiau rygbi Ewrop, bydd S4C hefyd yn dangos uchafbwyntiau’r gêm rhwng Leinster a Gleision yn rownd wyth olaf y Cwpan Heineken nos Sadwrn, 7 Ebrill.
Meddai Geraint Rowlands, Cyfarwyddwr Comisiynu Dros dro S4C; “Mae hyn yn newyddion da i gefnogwyr rygbi yng Nghymru. Bydd yn gyfle pwysig i wylio’r gêm gan mai gêm oddi cartref yw hi yn Ffrainc. Rydym yn edrych ymlaen at benwythnos cyffrous o rygbi ar S4C ddechrau Ebrill.”
Sunset+Vine Cymru, un o gwmnïau cynhyrchwyr o Lanelli, Tinopolis, fydd yn cynhyrchu’r gêm fyw yn y Cwpan Amlin.
Sunset+Vine Cymru a Sports Media Services o Benybont ar Ogwr sy’n cydgynhyrchu rhaglenni’r Cwpan Heineken ar y Sianel.
Diwedd
Methu dod o hyd i'r hyn oeddech chi'n chwilio amdano?
