18 Tachwedd 2022
Toc cyn saith o'r gloch ar nos Lun 21 Tachwedd, mi fydd Hen Wlad fy Nhadau i'w chlywed mewn Cwpan y Byd am y tro cyntaf ers 1958.
Drwy gamu ar y maes yn Stadiwm Ahmad bin Ali, mi fydd chwaraewyr Cymru yn efelychu arwyr Jimmy Murphy wrth gynrychioli eu gwlad ym mhencampwriaeth pêl-droed fwyaf y byd.
Bydd pob gêm Cymru i'w gweld yn fyw ar S4C – cartref pêl-droed Cymru, gyda'r sianel yn troi'n goch i ddathlu'r achlysur hanesyddol yma.
Gyda dyddiau yn unig cyn i'r bencampwriaeth gychwyn, cawsom sgwrs gyda thîm cyflwyno Cwpan y Byd S4C, i glywed eu rhagolygon am y gystadleuaeth.
Dyma beth oedd Dylan Ebenezer, Sioned Dafydd, Gwennan Harries, Owain Tudur Jones a Malcolm Allen i ddweud:
Dylan Ebenezer
Pa chwaraewyr ydych chi'n edrych ymlaen at gael gweld fwyaf yng Nghwpan y Byd eleni?
Dylan: Lionel Messi.
Sioned: Mae tocyn 'da fi i weld yr Ariannin v Mecsico, felly fi'n ffili aros i weld Lionel Messi yn chwarae!
Gwennan: Gavi a Pedri i Sbaen. Sêr y dyfodol.
OTJ: Neymar.
Malcolm: Julian Alvarez i'r Ariannin. Hogyn ifanc sydd yn chwarae i Man City. Mae o'n gallu sgorio ond hefyd mae'n greadigol iawn.
Sioned Dafydd
Pwy fydd chwaraewr disgleiriaf dros Gymru a phwy fydd arwr tawel y garfan?
Dylan: Bydd Brennan Johnson yn disgleirio a Ben Davies yn arwr tawel.
Sioned: Brennan Johnson a Dan James.
Gwennan: Brennan Johnson a Ben Davies.
OTJ: Brennan Johnson a Joe Rodon.
Malcolm: Aaron Ramsey fydd ein chwaraewr disgleiriaf. Mae gen i deimlad fod hwn yn llwyfan perffaith iddo. A Joe Rodon fel arwr tawel.
Prif sgoriwr Cymru?
Dylan: Gareth Bale.
Sioned: Gareth Bale.
Gwennan: Aaron Ramsey.
OTJ: Gareth Bale.
Malcolm: Kieffer Moore.
Gwennan Harries
Cymru, UDA, Lloegr ac Iran – pa ddau dîm sy'n cipio'r ddau safle uchaf yng Ngrŵp B?
Dylan: Bydd Iran yn anodd, ond Cymru a Lloegr i fi.
Sioned: Lloegr yn gyntaf, Cymru yn ail.
Gwennan: Grŵp agos, ond Lloegr a Chymru fydd yn ail.
OTJ: Lloegr a Chymru.
Malcolm: Cymru a Lloegr.
Owain Tudur Jones
Pwy fydd yn hawlio'r esgid aur am sgorio'r mwyaf o goliau yng Nghwpan y Byd 2022?
Dylan: Kylian Mbappe.
Sioned: Karim Benzema.
Gwennan: Ronaldo neu Karim Benzema.
OTJ: Kylian Mbappe.
Malcolm: Lionel Messi.
Pa wlad fydd all greu syndod a mynd yn bell yn y gystadleuaeth?
Dylan: Siapan.
Sioned: Siapan.
Gwennan: Bydd Iran yn rhoi sioc i rywun.
OTJ: Denmarc.
Malcolm: Yr Iseldiroedd.
Malcolm Allen
Pwy fydd enillwyr Cwpan y Byd?
Dylan: Brasil.
Sioned: Brasil.
Gwennan: Portiwgal.
OTJ: Portiwgal.
Malcolm: Yr Ariannin...ond ella ddim os fydd Cymru yn y ffeinal!
Cwpan y Byd FIFA 2022: UDA v Cymru
Nos Lun 21 Tachwedd, 6.00
Yn fyw ar S4C, S4C Clic a BBC iPlayer
Cynhyrchiad BBC Cymru ar gyfer S4C
